Novruz bayramı Azərbaycan xalqının zəngin mədəniyyətini və qədim adət-ənənələrini özündə əks etdirən ən gözəl bayramlardan biridir. Bu bayram əsrlər boyu qorunaraq nəsildən-nəslə ötürülmüş və bu gün də böyük sevinc və ehtiramla qeyd olunur.
Novruz baharın gəlişini və təbiətin dirçəlişini müjdələyir. Bu günlərdə torpaq oyanır, ağaclar çiçək açır, həyat yenidən canlanır. İnsanlar da bu dəyişiklikləri sevinc və ümidlə qarşılayaraq yeni ilə xoş arzularla qədəm qoyurlar.
Bayram günlərində insanlar qohum və dostlarını ziyarət edir, bir-birinə xoş arzular bildirir və bayram sevincini bölüşürlər. Küsülülər barışır, insanlar bir-birinə daha çox diqqət və qayğı göstərirlər.
Novruz süfrəsində səməni, boyanmış yumurtalar və müxtəlif şirniyyatlar bolluq və bərəkətin rəmzi kimi yer alır. Bu süfrə həm də xalqımızın qonaqpərvərliyinin və zəngin mətbəxinin göstəricisidir.
Bahar bayramı münasibətilə hər birinizi səmimi qəlbdən təbrik edir, sizə möhkəm can sağlığı, xoşbəxtlik və firavan həyat arzulayırıq. Qoy Novruz bayramı hər evə sevinc və bərəkət gətirsin!
Əvəz Qocayev
Azərbaycan Avtomobil Yolları Dövlət Agentliyinin (AAYDA)
İdarə Heyətinin sədr müavini