Mətbuat azadlığı demokratik cəmiyyətin əsas prinsiplərindən biridir. Azad media cəmiyyətin problemlərini işıqlandırır, ictimai nəzarətin həyata keçirilməsinə kömək edir və insanların məlumat almaq hüququnun təmin edilməsində mühüm rol oynayır.

Lakin mətbuat azadlığı böyük məsuliyyət də tələb edir. Jurnalist hazırladığı hər bir məlumatın doğruluğunu araşdırmalı, müxtəlif mövqelərə yer verməli və etik prinsiplərə riayət etməlidir. Cəmiyyətin mediaya olan etimadı məhz bu prinsiplərin qorunmasından asılıdır.

Müasir informasiya texnologiyalarının inkişafı jurnalistlərin fəaliyyətini daha çevik etsə də, eyni zamanda dezinformasiya ilə mübarizə məsələsini də aktuallaşdırıb. Buna görə peşəkar jurnalistika əvvəlkindən daha vacib əhəmiyyət daşıyır. Obyektiv və dəqiq informasiya cəmiyyətin sağlam inkişafının əsas şərtlərindən biridir.

Milli Mətbuat Günü münasibətilə bütün media əməkdaşlarını ürəkdən təbrik edir, onlara tükənməz enerji, peşə uğurları, obyektiv fəaliyyət və yeni nailiyyətlər arzulayırıq.

Elxan Yaqubov
Bioloji Təbabət Klinikasının rəhbəri