Kiyevin Rusiya prezidenti Vladimir Putinlə ABŞ prezidenti Donald Tramp arasında nəzərdə tutulan görüşü sabotaj etmək cəhdi Qərbdə ciddi parçalanmaya səbəb ola bilər.
Bunu Fransada yaşayan serb yazıçısı Nikola Mirkoviç “Sputnik”-ə açıqlamasında bildirib.
“Rusiya Müdafiə Nazirliyinin xəbərdarlıq etdiyi Ukrayna təxribatı İraqda heç vaxt rast gəlmədiyimiz kütləvi qırğın silahları və Bəşər Əsədin öz xalqına qarşı kimyəvi silahdan istifadə etməsi ilə bağlı iddialarla eyniləşdiriləcək”, - deyə o söyləyib.
Mirkoviçin sözlərinə görə, danışıqlara az qalmış Rusiyanın qalmaqalın mərkəzində olması Trampın xeyrinə deyil və belə addım Atlantik düşərgəsində ciddi siyasi bölünməyə yol aça bilər.