Qırğızıstan hakimiyyəti telekanallardan milli dildə yayım payının qanunvericiliyin tələblərinə uyğun olaraq 60%-ə çatdırılmasını tələb edib.

Bunu Qırğızıstanın mədəniyyət, informasiya və gənclər siyasəti nazirinin müavini Marat Taqayev deyib.

“Özəl televiziya kanallarının inkişafına və onların öz strategiyalarına mane olmuruq. Lakin qanunun tələblərinə, xüsusən də qırğız dili ilə bağlı normalara ciddi şəkildə əməl edilməlidir. Media bazarındakı vəziyyətlə tanışam, amma izləyicilərin hüquqlarını qorumağa borcluyuq”, - o bildirib.

Qeyd edək ki, hazırda Qırğızıstanda 42 televiziya kanalı fəaliyyət göstərir.