Novruz bayramı Azərbaycan xalqının zəngin mədəniyyətini və qədim adət-ənənələrini özündə əks etdirən ən möhtəşəm bayramlardan biridir. Bu bayram minilliklər boyu qorunaraq bu günə qədər gəlib çatmış və xalqımızın həyatında mühüm yer tutmuşdur.

Novruz yalnız baharın gəlişi deyil, həm də insanların birlik və mehribanlıq bayramıdır. Bu günlərdə insanlar bir-birini ziyarət edir, küsülülər barışır, qohum və dostlar bir araya gələrək bayram sevincini paylaşırlar.

Bayram süfrəsində müxtəlif milli yeməklər və şirniyyatlar hazırlanır. Səməni isə süfrənin əsas bəzəyi hesab olunur və həyatın yenilənməsini simvolizə edir. Boyanmış yumurtalar isə həyatın davamlılığını və yeni başlanğıcları ifadə edir.

Tonqalların qalanması Novruz bayramının ən qədim adətlərindən biridir. İnsanlar tonqalın üzərindən tullanaraq köhnə ilin çətinliklərini arxada qoyduqlarına inanırlar.

Bahar bayramı münasibətilə hər birinizi səmimi qəlbdən təbrik edir, sizə sağlamlıq, xoşbəxtlik və firavan həyat arzulayırıq. Qoy Novruz bayramı hər evə sevinc və bərəkət gətirsin!

Nərgiz Həsənova
Qarabağ Regional Təhsil İdarəsi,
Bərdə rayonu E. Əsədov adına Türkmən kənd orta məktəbinin direktoru,
Respublikanın Əməkdar müəllimi