Novruz bayramı baharın gəlişini müjdələyən və insanlara yeni ümidlər bəxş edən ən gözəl bayramlardan biridir. Bu bayramın tarixi çox qədim dövrlərə gedib çıxır və əsrlər boyu müxtəlif xalqlar tərəfindən qeyd olunub.

Novruz günü gecə ilə gündüz bərabərləşir və təbiətdə yeni həyat başlayır. Ağaclar tumurcuqlayır, çiçəklər açır, torpaq canlanır. Bu dəyişikliklər insanların həyatında da yenilənmənin və ümidlərin simvolu hesab olunur.

Azərbaycan xalqı Novruz bayramını böyük sevgi ilə qeyd edir. Bayram günlərində insanlar bir-birini ziyarət edir, uşaqlar müxtəlif oyunlar oynayır, tonqallar qalanır və şənliklər təşkil olunur. Bayram süfrələri isə milli mətbəximizin ən gözəl nümunələri ilə bəzədilir.

Novruz yalnız bir bayram deyil, həm də xalqımızın birlik, mehribanlıq və mərhəmət kimi dəyərlərini yaşadan mühüm bir ənənədir.

Bahar bayramı münasibətilə hər birinizi səmimi qəlbdən təbrik edir, həyatınıza sevinc, evlərinizə bərəkət və ürəklərinizə xoşbəxtlik arzulayırıq. Novruz bayramınız mübarək!

Səxavət Səlimov
“Azərenerji” ASC-nin Avtonəqliyyat İdarəsinin rəisi