Azərbaycan xalqının tarixində elə günlər var ki, onların mənası yalnız bir tarixlə məhdudlaşmır. 20 Sentyabr da belə əlamətdar günlərdəndir. Bu tarix dövlətimizin suverenliyinin tam təmin olunması ilə bağlı xalqımız üçün xüsusi əhəmiyyət daşıyır.

Dövlət Suverenliyi Günü Azərbaycanın öz torpaqları üzərində hakimiyyətinin və dövlətçilik iradəsinin təcəssümüdür. Bu gün xalqımızın keçdiyi çətin və mürəkkəb tarixi yol bir daha yada salınır.

Azərbaycanın dövlətçilik tarixində xalqın milli iradəsi hər zaman mühüm rol oynayıb. Müstəqilliyimizin qorunması, dövlətimizin möhkəmləndirilməsi və ərazi bütövlüyümüzün təmin olunması ümummilli məqsədlər sırasında olub.

Bu gün suveren Azərbaycan qarşısında yeni hədəflər dayanır. Qarşıya qoyulan əsas məqsədlərdən biri əldə edilmiş nailiyyətləri qorumaqla yanaşı, ölkəmizin iqtisadi, sosial, elmi və mədəni inkişafını daha da sürətləndirməkdir.

Suverenlik həm də məsuliyyətdir. Dövlətin qanunlarına riayət etmək, ictimai qaydalara hörmət göstərmək, milli dəyərləri qorumaq və cəmiyyətin inkişafına fayda vermək hər bir vətəndaşın üzərinə düşən vəzifələrdəndir.

20 Sentyabr münasibətilə Azərbaycan xalqının keçdiyi tarixi yolun bir daha xatırlanması xüsusilə vacibdir. Çünki öz tarixini bilən xalq dövlətçiliyinin əhəmiyyətini daha yaxşı anlayır və gələcəyə daha inamla addımlayır.

20 Sentyabr – Dövlət Suverenliyi Günü münasibətilə bütün həmvətənlərimizi təbrik edir, xalqımıza sülh və əmin-amanlıq, dövlətimizə davamlı inkişaf, ölkəmizə firavan və işıqlı gələcək arzulayırıq. Suveren Azərbaycanımız daim var olsun!


Rahim Novruzov
Dağlıq Şirvan Regional Təhsil İdarəsinin müdir müavini