20 Sentyabr – Dövlət Suverenliyi Günü Azərbaycan xalqının milli qürur hissini daha da gücləndirən əlamətdar tarixlərdəndir. Bu gün dövlətimizin suverenliyinin əhəmiyyətini dərk etmək, tariximizi xatırlamaq və gələcək nəsillərə daha güclü Azərbaycan ötürmək barədə düşünmək üçün mühüm fürsətdir.

Azərbaycan müstəqillik illərində böyük inkişaf yolu keçib. Dövlət quruculuğu, iqtisadi inkişaf, sosial siyasət, təhsil, səhiyyə, mədəniyyət və digər sahələrdə əldə olunan nəticələr ölkənin potensialının daha da genişlənməsinə imkan yaradıb.

Suverenlik isə bütün bu inkişafın əsas dayaqlarından biridir. Öz ərazisində dövlət hakimiyyətini həyata keçirən və milli maraqlarını müstəqil şəkildə müəyyənləşdirən dövlət gələcəyini də daha inamla qura bilir.

20 Sentyabr bizə həm də dövlətçiliyin qorunmasının gündəlik məsuliyyət olduğunu xatırladır. Vətəndaşın öz işinə vicdanla yanaşması, qanunlara əməl etməsi, ictimai əmlaka qayğı göstərməsi, ətraf mühiti qoruması və cəmiyyətə faydalı olması dövlətçilik məsuliyyətinin bir hissəsidir.

Bu əlamətdar gün Azərbaycan xalqının birlik və həmrəyliyinin daha da möhkəmlənməsinə xidmət etməlidir. Çünki dövlətin gücü vətəndaşlarının həmrəyliyi, dövlətinə bağlılığı və gələcəyə olan inamı ilə sıx bağlıdır.

Bu gün hər bir azərbaycanlı ölkəmizin gələcəyinin daha parlaq olması üçün öz töhfəsini verməyə çalışmalıdır. Güclü Azərbaycan naminə görülən hər bir faydalı iş gələcək nəsillərə qoyulan qiymətli mirasdır.

20 Sentyabr – Dövlət Suverenliyi Günü münasibətilə bütün Azərbaycan xalqını səmimi-qəlbdən təbrik edirik. Qoy Azərbaycanımız daim müstəqil, suveren və güclü dövlət kimi inkişaf etsin, xalqımız firavan və əmin-amanlıq içində yaşasın. Dövlət Suverenliyi Günümüz mübarək!


Rövşən Əhmədov,
YAP Ağcabədi rayon təşkilatının sədri