Rusiyada Kanada və Almaniyanın beynəlxalq axtarışa verdiyi 660-dan çox avtomobil tapılıb.
Bu barədə Rusiya Daxili İşlər Nazirliyinin mətbuat mərkəzi məlumat yayıb.
Oktyabrın ortalarına olan vəziyyətə əsasən, Rusiya ərazisində Kanada və Almaniyanın axtardığı 813 avtomobil müəyyən edilib. Onlardan 665-i beynəlxalq axtarış siyahısından çıxarılıb.
Rusiya DİN-in mətbuat mərkəzi əlavə edib ki, nazirliyin İnterpol üzrə Milli Mərkəzi Bürosu avtomobillərin beynəlxalq axtarışı sahəsində vətəndaşların hüquqlarının qorunması istiqamətində işləri davam etdirir.