"Karvan Agro" MMC-nin İran İslam Respublikasından idxal etdiyi (istehsalçısı "Sajad Babaiee") ümumi çəkisi 21 200 kq portağal məhsulundan nümunələr götürülüb.
Bu barədə Azərbaycan Qida Təhlükəsizliyi Agentliyi məlumat yayıb.
Bildirilib ki, laborator müayinə nəticəsində məhsulda istifadəsinə yol verilməyən rəngləyici maddə - "Sitrus qırmızısı -2" üzrə uyğunsuzluq aşkarlanıb.
Aşkarlanmış uyğunsuzluqla əlaqədar müvafiq tədbirlər görülüb, İranın müvafiq qurumuna "Sajad Babaiee" istehsalçı müəssisəsindən ixracın dayandırılmasına dair müraciət ünvanlanıb.